Gipusil sa nagmotor

Naangol ang usa ka 30 anyos nga lalaki human pusila  sa wala mailhing tawo nga nagsakay og motorsiklo samtang kini naglakaw paingon sa ilang pinuy-anan kagahapon sa kaadlawon pasado alas 4 diha sa Taboc siyudad sa Danao.

Si PO3 Glenn Manulat miila sa biktima mao si Jeffrey Rom Cal, residente sa Taboc.

Nasayran ang biktima gikan nibisita sa iyang mga higala ug padulong kining mopauli apan sa pag-abot sa biktima sa nahitaboan kalit miabot ang usa ka wala mailhing tawo sakay sa motorsiklo nga hinay kaayo ang pagpadagan.

Sa kalit lang nibunot og wala matinong kalibre sa armas ang tawong sakay sa motor dayong pusil sa biktima makausa ka higayon.

Si Cal nakaangkon og usa ka samad pinusilan sa walang kilid ug nilapos ang bala sa luyo hinungdan nga dali siyang gihatud sa district hospital apan gibalhin lang dayon sa tambalanan sa dakbayan sa Sugbu.

Samtang ang gikatahapan daling nipasirit sa motorsiklo palayo sa lugar ug wala pa mailhi sa kapolisan.

Ang kapolisan sa Danao padayon sa ilang imbestigasyon aron mailhan ang responsable ug sa motibo sa kremin.