Lolo, 70 mimolestiya sa duha niya ka apo

Usa ka 70 anyos nga lolo mimolestiya sa duha niya ka apo nga babaye nga nagpangidaron pa lang og 2 ug 4 anyos.

Ang inahan sa biktimamidangop sa buhatan sa kapolisan sa lungsod sa Daanbantayan kagahapon aron pagpa-blotter sa hitabo.

Hinuon anggiingong pagmolestiya nahitabo niadto pang Hulyo 24, 2007.

Nasayran ang maong insidente sa dihang nagsusi ang mga opisyal sa barangay sa lugar ug nabulgar ang taho pinaagi sa mga silingan sa biktima hinungdan nga napugos ang inahan sa mga biktima sa pagdangop sa buhatan sa kapolisan.

Base sa asoy sa inahan sa mga biktima alas 9 sa buntag niadtong Hulyo 24, maoy iyang nadunggan ang iyang amahan nga niagda sa usa niya ka anak babaye nga paduolon kaniya aron maghilawas sanglit walay laing tawo sa ilang panimalay.

Wala makamatikod ang lolo nga diha na siya duol sa ilang panimaye ug maoy iyang naabtan nga naghoshos na ang suspetsado sa iyang karsones samtang hubo ang bata.

Gisukna sa inahan ang bata og giunsa siya sa iyang lolo ug nitubag kini nga gihilabtan ang iyang pagkababaye.

Nasayran usab sa inahan sa mga biktima gikan sa mga silingan nga nahilabtan na usab ang lain niyang anak.

Nunot niini, gitambagan sa Women’s Desk sa kapolisan sa lungsod sa Daanbantayan ang inahan nga ipahiling sa pink room sa Vicente Sotto Memorial Center sa dakbayan sa Sugbu ang duha ka bata.

Kun masuta nga nahilabtan gyud sa lolo ang mga biktima, pasakaan na kini sa tukmang kaso aron masikop ang suspetsado.

Kasamtangan nga gitago lang una ang pangalan sa suspetsado hangtud nga mapasaka na ang kaso ug mabalhug sa bilanggoan.