Namatay ang usa ka 90-anyos nga tigulang lalaki dihang nadasmagan kini sa dump truck nga gipanag-iya sa lokal nga kagamhanan sa lungsod sa San Remegio niadtong miaging buntag sa Barangay Maslog, dakbayan sa Danao.
Giila ni SPO2 Reynante Manulat ang biktima nga mao si Pedro Gallon Lauro, minyo nga nagpuyo sa lugar nga nahitaboan.
Ang nahisgutang sakyanan gimaneho ni William Tuico, 43, minyo tagaMedellin, Cebu.
Gibutyag ni SPO2 Manulat nga naglakaw ang biktima gikan saBarangay Poblacion ug paingon na unta kining mopauli sa ilang panimalay.
Milabang sa pikas habig sa dalan si Lauro ug ang dump truck nga gikan sa dakbayan sa Sugbu paingon sa lungsod sa Carmen ang kalit lang midasmag niini.
Dugang pa ni SPO2 Manulat nga nakasinati og grabeng kadaut salawas ang biktima ug dali kining gidala sa pribadong tambalanan sa dakbayan sa Sugbu apan namatay gyud kini.
Si Tuico boluntaryong mitahan sa iyang kaugalingon sa kapolisan sa Danao human sa maong aksidente.