Usa ka asawa ang gibutangan og black eye sa tuong mata sa iyang bana ug gitionan pa gyud kini og pusil lakip na ang ilang 14-anyos nga anak nga babaye tungod sa selos niadtong Miyerkules sa gabii diha saTabunok dakbayan sa Talisay.
Ang biktima mao si Gina (tinuod ngalan gipugngan) ang miduso og reklamo kagahapon sa buntag batok sa iyang bana diha sa buhatan niPO3 Margienette Yosores sa Women’s Desk Office sa Talisay.
Base sa imbestigasyon ni Yosores nga sa walay igong rason nagselos ang bana ni Gina nga maoy hinungdan sa ilang panaglalis ug ang biktima kalit lang gisukmag sa iyang bana sa tuong mata.
Human og sukmag sa suspetsado ngadto ni Gina mikuha kini sa iyang pusil dayon gitionan siya niini.
Miduol ang anak sa duha ug mibadlong apan gitionan usab kini og apil sa suspetsado ug gisita nga “unsa man moapil ka?”.
Sa kahadlok sa bata miatras kini ug gibiyaan ang iyang mga ginikanan nga nag-away.
Si Gina nangayo og panabang sa iyang igsuon ug misugo kini nga patawagon og polis apan gilakip usab kini og hagis sa suspetsado ug gibaharan nga patyon.
Si SPO1 Ricardo Balbutin ug PO2 Julius Caesar Parajes saAlert Team gipakitani Ginasa armas nga .357 rebolber sa iyang bana nga nakit-an sa ilawom sa unlan.
Ang suspetsado nasikop usab sa mga polis ug nagtingkagol karonsa prisohan sa Talisay Police Station.
Si Yosores nagkanayon nga illegal possession of firearms, child abuse,physical injury ug kalapasan sa Akta Republika 9262 kunAnti-ViolenceAgainst Women and Childrenang gipasakang kaso batok sa suspetsado.