Gipatay samtang nangihi sa daplin

Namatay ang usa ka batan-ong lalaki samtang nangihi  gawas  sa videokehan nga ilang gikantakantahan sa Centro, Labogon, sa Mandaue sa miaging kaadlawon.

Si SPO1 Robert Hugo  sa Basak Police Station miila sa namatay nga mao si Efren Rosal, 24, ulitawo nga nagpuyo sa Montibon Compound sa Maguikay, Mandaue.

Matud pa niya nga kuyog ang barkada sa biktima nga si Joseph Dimpas, 23, ug nagpuyo sa maong dapit nga migawas sa maong videokehan alang sa pagpangihi.

Si  SPO1 Hugo miingon nga sa iyang pagsukitsukit kang  Joseph Dimpas maoy gitug-an niini nga  nakabati siya og lanog nga boto sa armas ug sa iyang paglingi   iyang nakita nga nahagba na ang biktima sa yuta.

Dali nga giduol ni Joseph ang biktima nga nagbanaw na sa dugo nga naghiga sa yuta ug sa pakisusi nga gihimo maoy nasayran nga napusilan kini sa ulo ug namatay.

Giklaro ni SPO1 Hugo nga sa gihimo nilang pag-ukay sa patay’ng lawas sa biktima wala gyod sila makakita og mga nakitang timailhan nga sakop kini sa fraternity nga maoy kapasanginlan sa maong pagpamusil.