Negosyante angay'ng maleksiyon – DTI

Naleksiyon ang mga negosyante sa Cebu dihang gipamuak ang nasakmit nga mga substandard nga bildo nga gipamaligya sa mga mapahimuslanong negosyante dinhi.

Matud pa ni Cebu Provincial officer Zaide Bation sa Department of Trade and Industry DTI-7, nga nagsilbeng wake-up call alang sa mga negosyante dinhi sa rehiyon nga ang substandard nga mga butang dili gyud maayo ug gawas pa makaalkanse.

Ang mga gipamuak nga flat glass niadtong Miyerkules duol sa Heritage Monument sa barangay Parian mikabat og 2,000 ka square feet gikan sa nagkalain-laing glass dealer dinhi sa Sugbu.

Kauban sa taga DTI mao ang mga opisyal sa Philippine Product Safety and Quality Foundation Inc. ug ang taga Flat Glass Alliance of the Philippines Inc. nga maoy nanakmit sa maong mga butang gikan sa mga dealer niini.

Ang maong mga substandard nga produkto walay mga import commodity clearance kun ICC nga maoy nagsigurong luwas nga gamiton sa konsumidor ang mga produkto.