Posibleng modeklara og “all-out war” ang militar batok sa Moro Islamic Liberation Front (MILF) kung mapakyas kini og pagdakop ug pagpatahan sa mga namutol sa ulo sa 10 ka sakop sa Philippine Marines sa miaging semana’ng engkwentro didto sa Tipo-Tipo, Basilan.
Si Gen. Hermogenes Esperon Jr., hepe sa
Armed Forces, nagkanayon ang usa sa mga solusyon haron mapugos og
pakita ang liderato sa MILF sa mga nangatake sa mga Marines mao ang pagdeklarar og all-out-war batok ani’ng rebelde nga grupo.
Ang militar mihatag sa MILF og usa ka semana pagpresentar sa mga nangmunggot atubangan sa GRP-MILF Ceasefire Committee.
Ang maong ultimatum gipadayag ni Esperon sa miaging semana human ang 10 ka miyembro sa 1st Marine Brigade giatake sa mga miyembro sa rebelding grupo didto sa Tipo-Tipo sa miaging Miyerkules.
Ang mga Marines atong higayona kasamtangang namauli human sa pakyas nga pagpangita sa gi-kidnap nga Italyanong pari nga
si Giancarlo Bossi sa
dihang gi-ambush sila sa gatusan ka mga rebelde sa MILF.
Katorse ka mga Marines ang napatay sa maong engkwentro samtang siyam ang nasamdan, usa kanila mao si Pfc.Reuben Doronio, Jr. nga taga Poblacion, lungsod sa Borbon dinhi sa Sugbu.