Kinatawo ni Mrs. Gibinuangan
Usa ka 23-anyos nga ginang ang mitaho ngadto sa kapolisan sa lungsod sa Argao niadtong Biyernes sa gabii kabahin sa gibuhat sa iyang bana diin ang iyang kinatawo gisudlan og linukot nga straw ug hilo o tanod dihang naghilawas silang duha, duha ka higayon.
Si PO1 Renato Nacaytuna, duty desk officer sa kapolisan sa Argao mibutyag kagahapon sa hapon sa Banat News nga si Marissa (ngalan gipugngan) residente sa nahisgutang lugar, giubanan sa iyang bayaw nga babaye diha sa ilang buhatan para magpa-blotter kabahin sa maong insidente.
Matud ni Nacaytuna nga ang unang insidente nahitabo niadtong Miyerkules sa gabii diin si Marissa nahibulong nganong sambol ang iyang kinatawo human sila maghilawas sa iyang bana.
Gikuot ni Marissa ang iyang kinatawo diin iyang nasuta nga gibutangan diay kini sa iyang bana og linukot nga
Sunod insidente nahitabo niadtong Biyernes sa gabii diin nahibulong na usab si Marissa nga sambol ug sakit na usab ang iyang kinatawo human sila maghilawas sa iyang bana hinungdan nga gikuot na usab niya ang iyang kinatawo ug iyang nasuta nga gibutangan na usab kini og linukot nga straw nga giporma gihapong gamay'ng bola sa iyang bana.
Si Marissa wala makaagwanta sa gibuhat sa iyang bana ngadto kaniya hinungdan nga misumbong kini ngadto sa kapitan sa ilang barangay ug dayon ngadto sa mga polis.
Gibutyag ni Nacaytuna nga ang nahisgutang magtiayon parehong wala makatungha ug wala usab mopasaka og kaso si Marissa batok sa iyang bana.
Matud usab sa nahisgutang polis nga gitambagan nila si Marissa nga dili lang una mopaduol sa iyang bana.
Si Marissa temporaryo unang gipapundo diha sa barangay hall sa ilang lugar para magiyahan kini ug mahatagan og ayuda sa iyang angayang buhaton.
- Latest
- Trending
