Belgian biktima sa kawat

Mokapin sa P200 mil ang kantidad sa mga butang nga gikawat gikan sa lawak sa usa ka Belgian diha sa Pajo dakbayan sa Lapulapu sa milabay'ng kaadlawon. Ang biktima mao si Dirk Hertmans, 43, temporaryong nagpuyo sa maong dapit. Base sa imbestigasyon ni PO3 Elmer Canillo sa TRS nasayran nga miagi ang kawatan sa main door human kini wala mabantayi ni Hertmans nga abli atol sa iyang pagpahulay. Nakuha sa mga kawatan ang satellite loptop, camera, digital camera ug cash nga 1,000.00 nga diha gihipos sa ikaduhang andana sa iyang gipuy-an ug gibana-banang nagbalor tanan og P200 mil kapin.