Naaktuhang namutol og wire

Kawatan og mga wires sa lamppost naaktuhan sa nagpatrolyang polis sa dakbayan sa Lapulapu diha sa Mactan sa milabayng gabii. Ang nasikop mao sila ni Florencio Villanueva, 37, Jemar Delegado, 18, ug Jason Bahio, 18, pulos mga residente sa maong barangay. Sa imbestigasyon ni SPO1 William Pascua sa mobile patrol kasamtangan silang nag-roving dihang ilang nasakpan sa akto nga nanguha ug mga wirings sa lampost ang tulo ka suspetsado. Ang mga pinutol nga wire gikarga sa mga suspek diha sa usa ka traysikol hinungdan nga ilang gihiling ang maong sakyanan ug ilang nakita ang onse ka metros nga pinutol nga stranded copper wires, bara de kabra ug gabas para puthaw. Kahinumduman nga daghan na ang mireklamo sa TRS nga gipangkawat ang mga wirings sa kontrobersiyal nga mga lamppost nga gibutang sa kadalanan sa dakbayan sa Lapulapu human sa Asean Summit apan karon wala na mapusli gumikan kay wala na magsiga ang mga lamppost kay gipangkawat ang mga wires niini.