Full Red Alert ang CPPO
Gipailawom sa full red alert status ang probinsya sa Sugbu human sa giingong nasigpatang nangabot nga mga armadong grupo diha sa mid-north area.
Si CPPO Director Sr. Supt. Carmelo Valmoria nagkanayon sugod niadtong Miyerkules gipaubos sa full red alert status ang lalawigan samtang ang Bantayan ug
Gitug-an ni Valmoria nga kini tungod sa namonitor nga nangabot nga armadong mga tawo nga Ilonggo speaking diha sa mid-north nga gidudahang mga sakop sa New Peoples Army (NPA).
Nunot niini si Valmoria nipadala og team sa Special Reaction Unit (SRU) ug Regional Mobile Group (RMG) aron masusi ang maong sightings aron mapakgang ang posibleng pagpangataki sa maong grupo.
Matud pa niya nga gipahibalo na nila ang Armed Forces of the Philippines (AFP) sa maong impormasyon.
Ang mga hepe sa tanang police station gipahimangnoan na usab nga dili magkumpiyansa sa mga mobisita sa ilang mga buhatan sanglit ning mga bulana magsugod na ang inspeksyon alang sa umaabot nga Annual General Inspections karong Agosto.
Giawhag usab ni Valmoria ang katawhan sa pagtug-an gilayon sa kapolisan kung dunay mamatikdan nga mga bag-ong hitsura sa ilang lugar aron sa ingon ilang masusi.
- Latest
- Trending
