Marijuana gipangibot
Duha ka plantasyon sa marijuana nadiskubrehan sa kapolisan sa managlahing lugar sa lalawigan sa Sugbu,
Ang nadakpan mao si Anicodemu Maglasang Jr., residente sa Sitio Maglasang, Magsaysay, Balamban human maatli nilang SPO1 Allan Patalinghug, PO2 Jose Villarino, PO2 Julius Obaniana, PO1 Alby Agua ug PO1 Manuel Gilamon nga nananom sa lapad nga plantasyon sa marijuana sa Sitio Liki, Magsaysay, Balamban.
Gipanglarot nilang SPO1 Patalinghug ang 1,349 ka punoan ug 545 ka bag-ong tubo nga marijuana. Nasakmit usab sa panimalay ni Maglasang ang lima og tunga sa kilo nga pinaugang dahon sa marijuana.
Sa Santican, Danao niadtong Huwebes sa kaadlawon, gipang-ibot nilang Supt. Larson Dechino ang 103 ka punoan sa marijuana sa dihang mopatuman unta kini og pagdakop sa usa ka tawo pinaagi sa search warrant sa maong lugar.
Napakyas hinuon ang grupo ni Dechino pagsikop sa nananom niini nga nailhan nilang si Antonieto Hermita.
- Latest
- Trending
