Nagpadayon karon ang pagpanawat og dili mominos 5 mil ka mga agent sa buhatan sa Philippine Drugs Enforcement Agency (PDEA) lukop nasud.
Mao kini gipahibalo sa legal counsel sa PDEA-7 Atty. Paul Clarence Oaminal dihang nahinabi sa usa ka sibyaanan sa radyo.
Giawhag ni Atty. Oaminal kadtong mga interesadong aplikante pag-aplay sa ilang rehiyonal nga buhatan diha sa may dalan Arlington Pond, ning dakbayan sulod niining semanaha.
Kini tungod kay karon nang adlaw’ng Sabado ipahigayon ang qualifying exam nga sugdan sa alas 7 sa buntag hangtod na sa pagkatapos diha sa Abellana National School.
Ang kwalipikasyon alang niadtong gustong mamahimong PDEA agent gikinahanglan nga gradwado sa kurso nga upat ka tuig sa kolehiyo, civil service illegible og nagpangedarun gikan sa 21 anyos hangtod sa 40 anyos.
Kadtong mga lalaki nga aplikante gikinahanglan nga dili mominos 5’3’ ang height ug 5feet alang sa mga babaye.