Talisay pamultahon og P100 mil
Kagamhanan sa dakbayan sa Talisay pamultahon og P100 mil sa Department of Environment Natural Resources (DENR) tungod sa nahimong kalapasan sa siyudad pagpatukod sa land fill diha sa Barangay Tapul ug sa Gawad Kalinga Housing Project diha daplin sa sapa sa Mananga sa Barangay Lawaan II.
Ang nahisgutang mga proyekto walay mga Environmental Compliance Certificate (ECC) gikan sa DENR nga
Niadtong Mayo 3, 2007, si Alan Arranguez officer in charge regional director sa DENR mipadangat og suwat ngadto ni Mayor Socrates Fernandez nga nagkanayon nga base sa Review Progress Report nga gisumiti sa ilang field personnel niadtong Abril 10 niining tuiga nasuta nga ang nahisgutang housing project walay balido nga ECC.
Matud ni Arranguez nga ang dakbayan nakalapas sa mga Implementing Rules sa Presidential Decree 1586 nga dili pweding magtukod og mga proyekto sa usa ka lugar ilabi na nga gideklara kini nga usa ka critical area kung walay ECC hinungdan nga sa maong kalapasan ang dakbayan pabayaron og P50 mil nga multa.
Ang DENR mihatag usab og pito ka adlaw ni Fernandez gikan sa pagkadawat niini sa notisya nga mosumiti og eksplinasyon kabahin sa nahisgutang kalapasan.
Niadtong Mayo 16, laing suwat ang gipadangat ni Arranguez ngadto ni Fernandez nga nagkanayon usab nga ang siyudad nakalapas sa mao gihapong balaodnon tungod kay nasuta sa DENR nga walay ECC ang landfill diha sa Barangay Tapul ug laing P50 mil nga multa ang bayaran sa Talisay tungod sa maong kalapasan.
Ug gipangayoan usab og laing pito ka adlaw si Fernandez para mosumiti sa iyang eksplinasyon.
Kahinumduman nga ang landfill adunay gilapdon nga siyam ka ektarya ug ang upat ka ektarya niini pribadong luna ug kinahanglan nga mabayaran kini sa siyudad aron mapanag-iya na ang titulo niini nga maoy
Kahinumduman usab nga si Fernandez mibutyag nga aduna nay nahitabong negosasyon sa siyudad tali sa mga tag-iya sa nahisgutang luna para mabayran na kini.
- Latest
- Trending
