PO1 pigon dad-on sa Cebu
Suspek sa pagpatay kang Sta. Fe mayoralty bet Rogelio Illustrisimo, Sr. nga kanhi polis nga si Arnulfo Pigon,Jr. dad-on dinhi sa dakbayan karong adlawa human makakuha og warrant of arrest ang Task Force Illustrisimo batok kaniya.
Apan ang maong warrant of arrest walay kalambigitan sa maong kaso kundili laing kasong gipasaka batok kaniya sa Mandaue City Police Office ngadto sa korte tungod sa wala pag-uli niini sa iyang service firearm nga 9 millimeter pistol.
Si Pigon gitaktak sa pagkapolis tulo na ka tuig ang nakalabay human kini mag-awol sa serbisyo, kanhi siya sakop sa Special Weapons and Tactics sa MCPO.
Ang Cebu City Police Office nakakuha og warrant of arrest batok kaniya diha sa sala ni RTC judge Marilyn Yap sa Mandaue sa kasong Malversation of Public Property.
Daan nang nanguykoy ang CCPO og warrant of arrest nga magamit batok kang Pigon human pormal nilang mapasaka ang kaso batok kaniya ug ingon man sa karibal sa politika ni Illustrisimo nga si Domingo Zaspa.
Si Zaspa ug Pigon gitumbok sa task force nga maoy nagkumboya sa pagpatay kang Illustrisimo niadtong Mayo 2 diha sa atubangang bahin sa Provincial Comelec diha sa Capitol compound.
Dunay lig-ong testigos nga nagtumbok kang Pigon nga mao gyud ang tawong mipatay sa biktima ug karon naa na sa kustodiya sa kapolisan.
Gisuwayan og sikop sa task force si Pigon sa Masbate apan nakaeskapo kini dihang nakigsinukliay og bala sa mga operatiba sa Criminal Investigation and Detection Group 7, Criminal Investigation and Intelligence Branch ug mga sakop sa kapolisan sa Masbate.
Si Pigon ug Zaspa parehong mihimakak sa maong mga pasangil batok kanila. Si Pigon mihimakak nga diha siya dihang nangabot ang kapolisan sa
Inubanan sa iyang amahan, si Pigon mitahan ngadto sa buhatan ni Department of Justice secretary Raul Gonzales ug gi-turn-over ngadto sa National Bureau of Investigation.
Sila si Supt. Pablo Labra ug Sr.Insp. George Ylanan maoy miadto sa buhatan sa NBI kagahapon aron I-serve ang warrant of arrest ni Pigon diha sa buhatan ni Reynaldo Esmeralda.
Moabot karong adlawa si Pigon uban nila ni Labra, Ylanan ug duha ka mga NBI agents isip escort sa suspek.
- Latest
- Trending
