Speakership ni Pabling paluyohan ni Maambong

Gihangop ni Provincial Board Member Victor Maambong sa ikaunom nga distrito sa lalawigan sa Sugbu ang paghatag og kahigayonan kang 2nd District Representative Pablo Garcia alang sa speakership sa 14th  Congress.

Si Maambong miingon nga isip bise presidente sa provincial board members league  tabangan og kampanya sa ubang kongresista sa nasud  si  Kongresista Garcia.

Sa nasayran nga si Kongresista Luis Villafuerte nga maoy presidente sa Kampi maoy nagtuboy kang Garcia isip sakbang ni Speaker Jose De Venecia.

Ang kausaban sa pamaagi ug imahen sa kongreso maoy nag-unang mga hinungdan sa ilang tinguha ni Villafuerte sa pag-ilis na og liderato sa kongreso gikan sa renda ni Rep. Jose de Venecia.

Si 'Villafuerte miingon nga nagkadaghan ang mga kongresista gikan sa lain-laing partido ang andam sa pagsuporta kang Garcia nga naglakip na niini ang Liberal Party.

Gikumpirmar kini ni Kanhi Senate President Franklin Drilon kinsa miingon nga ang 15 nila ka mga kongresista adto mosuporta kang Garcia.