Magsuon gipanigbas sa ilang silingan
Duha ka magsuon diha sa Sitio Pungtod, Barangay Calajoan lungsod sa Minglanilla ang gitigbas ug gipusil sa ilang bag-ong silingan tungod sa nawagtang niining manok nga hiniktan niadtong Huwebes sa buntag diha sa nahisgutang lugar.
Ang mga biktima mao ang magsuong Victor Castañares kinsa nakaangkon og samad pinusilan sa dughan ug ang maguwang niining si Peter kinsa nakaangkon og samad tinigbasan sa bukton, daling gidala diha sa
Ang suspetsado giila sa mga polis nga si Julius Sasan kinsa daling miikyas human sa maong hitabo ug padayon pa karon nga gipangita.
Si PO1 Edward Barameda polis sa Minglanilla mibutyag kagahapon sa Banat News nga ang magsuong Castañares mga badlungon diha sa ilang lugar ug gikataho nga manghilabot usab kini og dili ilang mga butang.
Si Sasan kinsa bag-o lang mibalhin diha sa Calajoan gikan sa Barangay Bakay sa mao usab nga lungsod nawagtangan sa iyang manok hiniktan.
Si Sasan misita ngadto sa magsuong Castañares kabahin sa iyang manok nga nawagtang apan ang managsuon nasuko ngadto ni Sasan.
Niadtong Miyerkules sa gabii nag-inom ang magsuong Castañares kinsa si Peter nanghasi diha sa balay ni Sasan hinungdan nga gitigbas kini sa suspetsado.
Matud ni Barameda nga niadtong Huwebes sa buntag gibadlong si Victor sa iyang asawa nga dili moadto sa balay ni Sasan aron sitahon niini ang suspetsado kabahin sa hitabong pagpanigbas ngadto sa iyang igsoon.
Apan wala mamati sa badlong sa iyang asawa si Victor ug miadto gyud kini sa balay ni Sasan ug gipusil kini sa suspetsado.
Human sa maong hitabo nagdagan si Victor nga mipauli sa ilang balay ug naligo na kini sa iyang kaugalingong dugo.
Ang kapolisan mipahigayon og follow-up nga operasyon para masikop ang suspetsado.
- Latest
- Trending
