Pasahero sa barko nakuhaa’g mga armas
Pasahero sa barko nakuhaan og ubay-ubay nga armas sa mga sakop sa PNP Maritime Group ug mga operatives sa Pier 1, dakbayan sa Sugbu sa milabay’ng gabii.
Ang nasikop mao si Ever Alcala, 43, minyo lumad nga taga
Si Alcala nga padulong na pasakay sa barko nasikop sa mga operatiba sa PNP Maritime Group, security guards ug CPA police sulod sa terminal sa Pier 1 diin mahimutang ang X-ray van ug nasuta nga sa pagbutang sa bagahe ni Alcala, nakita ang mga armas nga sulod sa usa ka bag nga giputos og baga nga papel, carbon paper ug packaging tape hinungdan sa pagkasikop ni Alcala.
Sa paghiling sa maong bag nakita ang upat ka kalibre .357 rebolber, usa ka kalibre .22 black widow, usa ka kalibre .45 ug tulo ka mga magazine. Apan walay bala nga nalakip sa maong bag.
Nakuhaan usab og tiket sa Cokaliong Shipping Lines si Alcala.
Atol sa maong imbestigasyon, si Alcala mihimakak nga siya ang tag-iya sa maong mga armas nga nakonpiskar sa mga operatiba.
Matud pa ni Alcala nga giduol siya sa usa ka pasahero samtang nagkaon ug mihangyo kaniya nga ipadala sa taas sa barko ang bag bugti sa bayad nga usa ka libo ka pesos pag-abot sa taas sa barko.
Matud pa sa maong tawo nga mga piyesa ang sulod niini hinungdan nga bug-at ang nahisgutang bag.
Si Alcala wala mohatag sa iyang kasamtangang address dinhi sa Sugbu gumikan kay matud niya gikan siya sa Ilo-Ilo ug dinhi nanakayan paingon unta sa ilang dapit sa Agusan del Sur.
Matud pa ni Sr. Insp. Erwin Glenn Provido, hepe sa Intelligence and Investigation sa PNP Maritime Group 7 nga padayong gidetiner sa ilang buhatan si Alcala samtang gihikay pa ang pagpasaka og kasong kalapasan sa Akta Republika 8294 ug kalapasan sa Comelec gun ban.
- Latest
- Trending
