No assurance to Jakarta over journalists' deaths: Australia
Human mopahibawo ang mga kompaniya sa lana didto sa kaulohan nga posibleng dunay sunodsunod nga umento sa presyo sa mga produktong petrolyo sunod buwan dunay pahibalo usab ang
Ang Nagkahiusang Driver-Operator sa Sugbu (NADSU) mipadayag nga dili na nila maantos ang padayong pagsaka sa presyo sa lana ug sila mangayo na og dugang umento sa pletihan kun dunay laing oil price increase.
Matud sa Secretary-General sa NADSU nga si Ruben Rama nga bisan og supak sa ilang kabubut-on ang maong tinguha apan kun walay laing kapaingnan mapugos sila pagpangayo og umento sa minimum nga pletihan.
“Dili na gyud mada oy ug way usbaw kay kung imong tan-awon sa pagkakaron ang presyo lang gani sa krudo P35.26 na ang litro, puerting taasa na, ang gasolina sab P41.16,” na sumala pa ni Rama.
Una nang gipadayag sa mga kompaniya sa lana sa nasud nga ang paglig-on sa balor sa peso dili makasarang sa nagpadayong pagsaka sa presyo sa international crude.
Bugtong panghinaot ni Rama nga dili mahinayon ang giingong umento sa presyo sa matag litro sa krudo ug gasolina tungod kay maapektahan na usab niini ang tanang sektor ilabi na sa mga drayber ug mga sumasakay.
Gani panawagan ni Rama ug sa iyang mga kaubang drayber ngadto sa gobiyerno nga mangita og paagi nga ma-us-usan ang presyo sa mga produktong petrolyo.
Miingon si Rama nga kun kini dili mahimo gikinahanglan nga ang suholan sa mga mamumuo maoy usbawan sa gobiyerno aron makasarang sa inadlaw-adlaw niining panginahanglan.
- Latest
- Trending
