NBA, MARAMING BALAK SA PILIPINAS

Direktor sa  National Bureau of Investigation -7  Medardo Delemos miklaro nga dili siya manginlabot pagkustodiya ni PO1 Arnulfo Pigon kun ibalhin na unya kini dinhi sa Sugbu human usab nisurrender didto sa kauluhan.

Kahinumduman nga si Pigon maoy gipasanginlan nga nipusil patay ni kanhi mayor ug mayoralty aspirant Rogelio Illustrisimo,Sr. niadtong Mayo 2 ning tuiga diha sa gawas nga bahin sa Provincial Comelec office sulod sa Capitol compound.

Matud pa ni Delemos nga nahinabi sa DyAB dili sila mag-apil-apil sa maong kaso gumikan kay dili sila maoy nag-imbestigar niini ug ang Task Force Illustrimo maoy adunay dakong katungod niini.

Gipasabot niini nga dako ang iyang pagsalig ug respeto sa Task Force Illustrisimo nga maoy naghupot sa kaso batok kang Pigon.

Ang TF Illustrisimo pinanguluhan ni Sr.Supt. Patrocinio Comendador mipasaka na og kasong murder batok sa maong kanhi polis ug sa gidudahang kakunsabo niini nga si Domingo Zaspa. Si Zaspa maoy higpit nga karibal ni Ilustrisimo sa pagkamayor sa lungsod sa Sta.Fe.

Si Pigon ug Zaspa parehong mihimakak sa mga pasangil.

Andam hinuon motabang ang NBI-7 ngadto sa TF Illustrisimo kun ugaling  mangayo sila og tabang sa pagpalig-on pa unya sa kaso batok sa duha, sumala pang Delemos.