Greenpeace duda sa Japan

Pormal na nga giproklamar si Lapulapu City Mayor Elect Arturo Radaza kagahapon sa mga 1:03 sa kaadlawon human ibasura ang petisyon sa kaatbang niini nga si Norma Patalinghug.

Atol sa pag-abot ni Lapulapu City Comelec Officer Atty. Ann Jeaneth Lamban gikan sa kaulohan dala niini ang kamanduan gikan sa Comelec-Manila nga mibasura sa petition ni Patalinghug ug pagpaproklamar sa midaug nga kandidato sa dakbayan sa Lapulapu.

Human sa pag-tally sa 187 ka mga Election Returns (ER) ngadto sa uncontested ER's diin milungtad hangtud 12:30 sa kaadlawon kagahapon siRadaza ug mga kaubanan pormal nga giproklamar.

Si Radaza nakakuha og 61,835 mil ka botos samtang sa pagka bise  mayor si Dr. Mario Amores nga nakakuha og 56,637 ka botos ug ang mga konsehal nga naproklamar mao sila si Marcial Ycong, Junard "Ahong"Chan, Alexander Gestopa, Dr. Cornelio Pahang, Rudolfo "Rudy" Putot, Queenie Malingin Amman, Eddie Cuizon, Efren Herrera ug Florito Pozon.

Malinawon ang proklamasyon samtang nagpaabot ang mga supporters ni Patalinghug ug Radaza sa gawas nga bahin sa City Hall.

Si Lapulapu Police Chief, Sr. Supt. Noel Gillamac nagpasalamat sa mga supporters sa matag kampo nga wala mopakita og kasamok.

Daan nang nagbutang og mga sakop sa SWAT ug RMG ang kapolisan diha sa maong dapit aron pakgangon ang posibleng kagubot apan wala kini mahitabo .