EDITORIAL — A cop’s life
Giduso na kagahapon sa staff ni Bise Mayor Aberdovey Belleza diha sa buhatan ni Deputy Ombudsman for the Visayas, Virginia Palanca Santiago ang reklamong administratiba ug kriminal batok sa bag-ong napiling konsehal sa Talisay nga si Dennis Basillote.
Gitinood ni Menchulyn Dagode ang iyang bahad ngadto ni Basillote nga moduso og reklamo diha sa Ombudsman.
Kahinumduman nga si Dagode staff ni Belleza, mipasangil nga gidukol ni Basillote ug ang hinungdan niini ang mensahe sa text.
Base sa reklamo ni Dagode nga si Basillote nakalapas sa Akta Republika 6713 kun “The Code of Conduct and Ethical Standards for Public Officials and Empoloyee” ug gipasakaan usab niya kini og kasong kriminal tungod sa pagpanukol sa Konsehal ngadto kaniya.
Kahinumduman usab nga si Dagode ug ang pag-umangkon ni Basillote nga si Ellen Echavez ang dunay personal nga bangi kinsa nagbaslanay og away pinaagi sa text.
Si Echavez mipabasa sa text nga gipadala ni Dagode kaniya ngadto sa iyang uyoan nga si Basillote.
Sa maong hitabo miulbo si Basillote ug gisita niini si Dagode ug giDukol ang ulo.
Si Basillote sa iyang bahin, mibahad usab kini nga moduso og kasong pagpakauwaw batok ni Dagode.
Ang Konsehal mipasangil ngadto ni Dagode nga mipakauwaw sa iyang pagkatawo tungod sa dili maayong mensahe niini sa text.
- Latest
- Trending
