Another suspension for Binay?

Gipadakop ni Senior Superintendent Alexander Abadinas, direktor sa kapolisan sa dakbayan sa Mandaue ang usa ka polis nga sakop niini.

Nadakpan kini sa miaging gabii sa mga sakop sa intelligence and investigation section sa Mandaue City Police Office (MCP0) sa sulod sa Aljon KTV bar nga nahimutang sa Highway Seno sa barangay Guizo.

Si Abadinas miingon nga nakadawat na siya og daghang reklamo sa kanunay lang nga pag-estambay sa sulod sa maong balay kalingawan ni P02 Caballero bisan sa panahon sa iyang trabaho.

Gimando ni Abadinas ang pagpahigayon og survillance sa ilegal   kalihokan ni Caballero nga ang pag-sideline og trabaho sa balay kalingawan bisan sa panahon sa iyang duty sa gabii.

Mag-parking sa gawas sa maong balay kalingawan ang patrol car  nilang sakyanan nga iyang nadestinohan nga gitumong alang unta sa pagpatrolya ug pagtubag sa mga alarma.

Adto sa sulod sa maong balay kalingawan si P02 Caballero nga maglingkod ug mao kini ang moatubang sa ginagmay nga kakulian uban sa mga kustomer.

Si Caballero kinsa gitanggong karon sa detention cell sa ilang buhatan ang nag-atubang og kasong administratiba.