Arson, multiple murder raps filed vs police officer over Taysan fire
Gikan sa cellphone number 0920-3677660: "Good day, Sir. Bag-o lang ming abot gikan sa Sibonga. Naunsa man nga wala may klaro ang plitehan, uy. Pagpadulong namo didto kay P40 ra ang among plite. Pero sa pagpauli na namo P50 na dayon. Ang konduktor di motarong og tubag kun pangutan-on. Karon pa ko kasuway niini. Lainlain diay ang plite sa bus? Miingon man god ang konduktor nga ingon niana gyud kay lainlain ang bus. Masuko pa kun pangutan-on. Hasta ang nanaog sa Pardo P50 gihapon ang singil." -- (
Wala ko masayod kun pila gyud ang tinuod nga plitehan sa Sibonga dikan sa dakbayan sa Sugbu. Pero kadtong giingon sa konduktor nga lainlain og plite ang lainlaing bus, dako kanang binuang. Adunay taripa nga giisyu ang LTFRB nga maoy tamdan ug subayon sa pagpaningil og plitehan. Ang taripa gyud maoy angay sundon.
Labing maayong hingpiton mo ang imong pagpakabana. Idangop sa buhatan sa LTFRB kining imong kasinatian aron ka mahatagan og katin-awan. Nakuha man nimo ang plate number sa PUB nga imong gisakyan, itug-an kini ngadto sa LTFRB aron ila kining masubay. Kun tinuod man kadtong giingon sa konduktor kanimo, nagpasabot kana nga wala diay sila magsubay sa taripa sa ilang pagpaningil og plite sa mga pasahero.
* * *
Sa laing bahin: "Good day, Sir. Avid reader ko sa Modus . Naay kawani sa BIR Tabunok nga puwerting estriktaha. Siya si M. Nagkuha ko sa TIN card, dili siya maayong mo-entertain. Tarongon unta ta sa pag-entertain. Wala man hunahunaa nianang babayhana nga kita ang nagsuweldo nila pinaagi sa atong buhis. Thanks. " -- 0916-6148281 (
Husto ka, higala. Dili man kita gustong magpa-VIP, pero angay gyud unta nga ayohon kitang mga magbubuhis pagtagad sa mga kawani sa kagamhanan, sama sa BIR, tungod kay gikuha intawon sa atong buhis ang ilang suweldo. Mao kini nakadaot sa ubang nagtrabaho sa mga buhatan sa kagamhanan kay feeling hawod. Tulibagbag kaayong pamation! Puyra na lang sa nagtinarong sa pagserbisyo kay angay silang daygon.
(Sumbong ug reklamo? Text sa 0910-8105522)
- Latest
- Trending
