Si Mayor Tomas Osmeña gikataho nga nag-ingon nga dili na siya motabang sa mga taga-Lahug human ila kining gipilde adtong miaging eleksyon.
Usa kini ka pagpanimalos. Apan daghan ang dili motuo nga buhaton kini ni Tomas bisan pa nga kini nailhan sa iyang pagkamapanimaslon. Kon nakasulti man gani ang Mayor niini, kini bunga ra sa iyang pagmahay.
Ang Mayor sayud nga bisan pa og nasagmuyo siya tungod sa iyang kapildehan sa Lahug, sakop gihapon ang maong barangay sa dakbayan diin siya maoy pangu ug ang mga lumolupyo niini iya gihapon nga konstituwente ug responsibilidad.
No, dili mi motuo nga makaako si Tomas sa pagpasagad lang sa Lahug ug mga taga-Lahug kon dunay motumaw nga problema sa maong dapit.