Oil firms hike pump prices

Si Atty. Adelino Sitoy  kinsa maoy  miguwang mananaog sa pagkamayor sa lungsud sa Cordova nagkanayon nga andam siyang moluhod sa atubangan ni Atty. Danilo Sinugbuhan nga iyang kaatbang sa milabay'ng eleksyon basta lang dili na kini modagan  pagbalik sa sunod nga pinili-ay sa 2010.

Kini maoy gipadayag ni Sitoy subay usab sa lakang ni Sinugbuhan nga dili nalang mosang-at og petisyon sa iyang gamay nga deperensiya sa botos nga naghatod kaniya sa  kapildehan  kang Sitoy ug dawaton nalang ang iyang kapildehan.

Matud pa ni Sitoy nga andam siyang moluhod sa atubangan ni Sinugbuhan basta lang gyud dili na kini modagan gumikan kay giisip niyang lig-on kining kaatbang.

 Giklaro usab niini nga dili gyud siya makapasaylo niadtong mga tawo nga nakasala kaniya sa milabay'ng election ug labaw nang consistent siya nga dili gyud makig-reconcile  ni Sinugbuhan kun dili kini mosaad nga dili na mopapili sunod piniliay.

 Sumala pa niini nga misabot siya niadtong mga tawo nga wala mobutar kaniya ingon man makapasaylo siya gumikan kay ilaha kining  kaugalingong baruganan.

Kagahapong adlawa si Sinugbuhan ni-awhag sa kampo ni Sitoy nga dili nalang unta gukdon ang iyang mga suporters human giproklamar na kining mananaog.

Nabalaka si Sinugbuhan gumikan kay ubay-ubay na sa iyang mga suporters ang nipadayag sa ilang mga kabalaka ug gani ang uban  mipahibalo na nga mobiya nalang sa lungsod sa Cordova sa kahadlok nga gukdon ni Sitoy.