Jonas ug Neri una sa eskutinyo
Si Acting Vice Mayor Jonas Cortes maoy nag-una sa eskutinyo alang sa pagka-mayor sa dakbayan sa Mandaue ug si kongresista Nerissa Soon-Ruiz maoy nag-una alang sa pagka kongresista.
Sa mokabat 755 ka mga presinto nga naihap sa mga board of canvasser nga gipangulohan ni Mandaue City Election Officer Ferdinand Gujilde naihap na ang 210 ka mga presinto.
Sa maong gidaghanon, sa pagka mayor si Cortes maoy nag-una sa boto nga mokabat sa 17,112 batok kang Jonkie nga mokabat sa 12,165 ka boto lamang ang nakuha.
Samtang mokabat usab sa 14, 045 ka mga boto nga nakuha ni Soon-Ruiz batok sa higpit niyang kaatbang nga si Gabriel Luis Quisumbing nga nakakuha lamang og 12,247 ka mga boto.
Nag-una usab sa gidaghanon sa nakuhang boto si Konsehal Carlo Fortuna alang sa pagka bise mayor nga mokabat sa 15,729 batok kang Konsehal Glenn Bercede nga mokabat lamang sa 13,711 ka boto ang naangkon niini.
Sa mga kandidato alang sa pagka-konsehal nag-una si Diosdado Suico sa boto nga nakuha nga 13,737, Alfonso Albaño Jr sa boto nga mokabat sa 12,895, Vethoven Andaya sa boto nga 12,840 ug gisundan kini ni Noeleen Borbajo sa boto nga 12,501.
Nagsunod kang Borbajo si Jefferson Ceniza sa boto nga nakuha nga 12,320 boto, Procopio Villanueva sa boto nga 12, 128, Jimmy Lumapas sa boto nga nakuha nga 11,791, Emeliano Rosal sa boto nga 11,508.
Dugang kandidato nga konsehal nga nasulod sa top ten nga pagapilion mao sila si Atty Victor Biaño sa boto nga 11, 501 nga gisundan ni Editha Cabahug sa boto nga 11,101 ka mga boto ug Elstone Dabon sa boto nga 10,692 ug gisundan ni Elmer Cabahug sa boto nga 10,554. — Romeo T. Limpangog
- Latest
- Trending
