Gringo mapasalamaton nga nakapiyansa

Kandidato sa pagka-senador,Gregorio "Gringo" Honasan mapasalamaton nga ang hustisya sa nasud lig-on ug tionay tungod sa higayon nga gihatag kaniya.

Si Honasan kinsa miangkong iyang pahimuslan ang mga nahibiling adlaw sa kampanya dinhi sa Sugbu ug sa Mindanao, nagkanayon nga dako ang iyang pasalamat sa hustisya sa nasud human siya tugoting makapyansa sa kasong rebelyon niadtong Abril 26. Matud pa ni Honasan iyang gipanghinaot nga sila si Crispin Beltran, Capt. Trillanes ug kanhi presidente Joseph Erap Estrada makatagamtam usab niining kaayo sa hustisya sa nasud.

Subay niini buot usab ni Honasan nga magkahiusa ang tanang mga presidente sa nasud aron masulbad na ang politikanhong krisis nga nasinati sa nasud nga maoy nagmugna sa pagkaot-ot sa atong ekonomiya inubanan pa sa grabeng korapsyon.

Subay niini buot ipadayon ni Honasan ang mga natanggong niyang mga balaudnong nasugdan sa 10th ug 11th Congress nga iyang nabiyaan gumikan sa iyang pagkabilanggo. Usa niini ang plano sa pag upgrade sa "National Defense Act" diin magpalambo sa militar, Cebu Land Use Code alang sa agrikultura, industriyal, Komersyal ug uban pa aron dili magkaguliyang ang mga dapit nga bisan unsa nalang nga matang sa edipisyo nga ipatukod nga dako ug epekto sa kalawasan sa mga residente sa maong dapit.

Nunot niini, si Honasan nagtuo nga ang Sugbuanon maoy maghukom unya sa iyang kapalaran, susama usab kini sa isyu sa Sugbuak diin alang kaniya ang mga Sugbuanon ra gyud maoy makadesidir niini ug dili ang ilang pagpirma og kasabutan sa One Cebu Party.

Dako usab iyang pasalamat sa mga sakop sa Guardians ug pamilya uban usab sa mga higala sa pagsuporta kaniya.

Si Honasan mitumaw nga usa sa mga nag-una sa mga surveys human kini masulod sa ikapitong pwesto sa 12 ka gikahinamang standing sa surveys. — Uban sa mga report nila ni Gia Illustre, Guam Logroño