Pichay gi-endorso ni Pastor Quiboloy

Si Team Unity senatorial aspirant Prospero "Butch" Pichay gi-endorso sa usa ka dakong relihiyosong pundok nga mao ang Kingdom of Jesus Christ, the Name Above Every Name ministry nga gipangulohan ni Pastor Apollo Quiboloy.

Sa programa niini sa telebisyon channel ACQ-KBN (Kingdom Broadcasting Network) miingon si Quiboloy nga i-endosar niya si Pichay ug ibutang kini niya sa iyang listahan isip numero uno nga kandidato nga iyang suportahan karong umaabot eleksyon.

Gani ang programa niini sa telebisyon madunggan tibuok kalibutan pinaagi sa satellite niini nga gigamit, apil ang mga nasud sa North ug South America, Europe, Africa, Asia-Pacific ug ang tanang capital sa tibuok kalibutan.

"I became an instant friend with Pichay when he came the first time because I saw in him a principled man," matud pa ni Quiboloy.

Matud pa sa pastor nga si Pichay maoy nag-unang politiko nga nagprotekta ni Presidente Arroyo tungod sa prinsipyo niini nga gituhoan.

"You may say everything against the President but in my last revelation she is still in God''s will so I will support her all the way," matud pa ni Quiboloy.

Midugang ang pastor nga sa unang pakigkita niini ni Pichay nakita na niya ang sinsiridad ug ang gihimo niini nga aksyon dili tungod sa iyang kagustuhan apan sa kagustuhan sa Ginoo.

Matud pa ni Quiboloy nga sakto ug angayan si Pichay sa gihimo niini nga slogan "Itanim sa Senado".

"If you really love patola, kalabasa and upo, you will love Pichay also. That''s really true. Itatanim ko talaga si Pichay sa Senado," dugay pamahayag ni Quiboloy

Kun kahinumduman, ang Kingdom of Jesus Christ, the Name Above Every Name congregation gisugdan ni Pastor Quiboloy niadtong buwan sa Septiyembre 1, tuig 1985 sa siyudad sa Davao.