Si FO2 Cefriano Codilla Jr. imbestigador sa Bureau of Fire Protection mibutyag nga ang nasunog nga rattan factory mao ang R and Y Augusti Inc. nga gipanag-iya sa magpapatigayon nga si Yorie Augusti.
Matud ni Codilla nga ang mga gwardiya sa maong pabrika nga sila si Albert Suson ug Danilo Torreon mitug-an nga ang kalayo unang nadiskubrehan nga nagsugod sa kisame sa building.
Dugang ni FO2 Codilla nga si City Fire Marshall Oscar Mayol mipaubos sa maong sunog sa 3rd alarm nga maoy hinungdan sa pag-abot sa ubang kabomberohan nga mitabang sa pagpawong sa kalayo.
Milungtad og 20 minutos ang pagkontrolar sa kalayo ug wala na kini makatapon sa silingan pa nga edipisyo nga sikbit sa maong pabrika nga naugdaw.
Si FO2 Codilla mibutyag nga faulty electrical wiring maoy ilang gituohang sinugdanan sa sunog.
Si Codilla midungag nga atol sa pagkaylap sa kalayo walay tawo nga naangol.