Kini maoy reaksiyon ni Arman Perez ang Secretary General sa Bayan Muna Central Visayas labot sa gipahibalo ni Bullecer nga dili pabutohan ang mga militanting partylist gumikan usab sa rekord niini nga mga anti-life.
Matud pa ni Perez nga subo kaayong palandungon ang mga gipang-akusar ni Bullecer ngadto kanila ug sa uban pang mga sakop sa progresibong grupo gumikan kay ang katawhan nakahibalo nga dili tinuod nga anti-life silang mga partylist.
Gibutyag niini nga wala lang siguro makahinumdom si Bullecer nga sila sa Bayan Muna og uban pa nisuporta nga ipabasura sa Korte Suprema ang Death Penalty Law diin nakita lukop nasud ang ilang pagpakigbisog sa Ubos Balay balauranan.
Gisaysay niini nga tataw nga wala na masubay ang pagpanaway ni Bullecer ngadto kanila ug nagpakita nga misakay-sakay nalang kini karon sa ilang kasikat tungod sa ilang nahibaloan nominado kini sa grupo niini nga Abay Pamilia Partylist nga sugod niadtong eleksyon sa 2001 wala gyud makakuhag lingkoranan sa Kongreso ug sila sa Bayan Muna maoy nag-unang mananaog sa matag eleksyon sa partylist.
Giawhag niini si Bullecer nga mosentro nalang sa iyang mga programa ug plata porma kay sa magsigeg panaway gumikan kay ang katawhan ra sa nasud maoy adunay igong gahom sa pagpili.