Kanhi mayor sa C''postela nakapiyansa sa libel case

Nakapiyansa na kagahapong adlawa ang kanhi mayor sa lungsod sa Compostela nga si Gilbert Wagas sa kasong two counts of libel case nga gisang-at ni mayor Maria Luisa Loot sa lungsod sa Daanbantayan sa niaging tuig.

Si Wagas uban sa iyang abogado nga si Atty. George Bragat mibutang sa iyang piyansa nga P20 mil diha sa sala ni Judge Ulric Cañete sa Regional Trial Court branch 55 sa Mandaue City human usab kini bulontaryong mitahan sa iyang kaugalingon dihang nalutsan sa warrant of arrest niadtong miaging adlaw.

Si Wagas dihang nahinabi sa Banat News miingon nga kumpiyansa siya nga maabswelto sa maong kaso.

Matud pa niini nga iyang atubangon ang maong kaso sa korte ug dili gyud kini sibugan gumikan kay para kaniya igo lang siya mipadayag sa iyang katungod.

Gipasabot niini nga walay malisya ang iyang pagpadayag sa usa ka radio station diin iyang gipahayag kun unsay kalainan ni Loot ug Maria Magdalena diin ang naulahi miangkon nga usa kaprostitute.

Dugang pa niini nga usa lang gyud ang iyang kalapasan nga nahimo batok kang Loot kini mao nga tua siya karon sa pamilyang Martinez misuporta nga wala ikahimuot sa mayor