Mga batan-on giawhag ni Tingting dela Cerna

Si kanhi gobernador sa Sugbu Tingting dela Serna ug kandidato pagka-kongresista sa Sixto Distrito miawhag sa mga kabatan-onan, sa dili pa lang dugay, nga magpakabana ug magbinantayon sa mga panghitabo sa palibot ug sa nasud.

Kapin sa usa ka gatos ka mga batan-on nakigkita sa kanhi kongresista sa sixto distrito aron pagsusi ug maminaw sa mga panlantaw, huna-huna ug baruganan ni dela Serna sa kahimtang sa panggobyerno ug iyang programa de gobyerno kon siya mapili pag-usab.

Matud pa ni Tingting dela Serna siya naaghat pagbalik sa politika tungod sa naghasi nga pangurakot ug anomaliya sa mga nagdumala sa kagamhanan ug sa walay tingog sa mga opisyales sa lungsod. "Nagpakabuta ug bungol ang tanan nga opisyal sa lungsod, siyudad ug probinsiya sa Sugbu.

Iya usab gisulti ang iyang gibuhat sa siya opisyal pa sa gobyerno. Nagtukod siya ug mga eskwelahan, dormitoryo sa mga estudyante gikan sa lagyong mga dapit, scholarship program alang sa mga kabos nga estudyante, district hospital, sports center, plaza, technical ug skills training sa out-of-school youth, luna para sa mga squatters ug merkado sa mga kooperatiba.

Sa kasamtangan, ang mga kahugpungan sa mga urban poor, vendors, drivers, mangingisda ug mamumuo anaa nagpaluyo ni Tingting dela serna. - PR