TEDMAN padayon sa trabaho

Nagpadayon sa ilang naandang trabaho ang mga traffic enforcer sa Traffic Effeciency Development and Management (TEDMAN) sa dakbayan sa Mandaue .

Kini ang gipadayag kagahapon sa Banat News sa officer-in-charge sa TEDMAN nga si Domingo Cortes isip pagpanghimakak sa mga taho nga daghan sa ilang mga enforcer ang mi-resign sa ilang trabaho.

Giklaro niya nga walay enforcer sa TEDMAN nga mi-resign sa ilang trabaho gawas lamang sa ilang executive director nga si Damian Enrico Ouano nga mi-file og leave of absence.

Si Cortes miingon nga ang ilang enforcer makita nga anaa sa kadalanan alas 6 sa buntag hangtod sa alas 8 sa gabii.

Matud pa niya duha ka mga enforcer ang ilang gidestino nga magsugod sa pag-duty alas 6 sa buntag hangtod sa alas 8 sa gabii.

Si Acting Mayor Amadeo Seno Jr., miingon nga ilang gipaningkamutan nga ikapadayon ang kahapsay sa mga sakyanan sa kadalanan.

Dugang pa niya nga si Damian Enrico Ouano iyang gipaabot nga mobalik na sa iyang trabaho aron ikapadayon ang pagserbisyo niini.