Si FO3 Silvestre Tero sa kabomberohan sa maong dakbayan mitug-an sa Banat News nga ang alarma ilang nadawat alas 4:30 ang takna sa hapon ug ilang nakontrolar sa paglabay sa singko minutos.
Dugang pa niya nga ang upat ka building nga naugdaw dunay siyam ka lawak alang sa elementraya ug unom usab ka lawak sa high school.
Gibanabana ni FO3 Tero ang danyos sa maong sunog og mokabat sa P900,000 tungod sa naugdaw nga edipisyo ug mga butang sa sulod niini.
Matud pa ni FO3 Tero nga ang kalayo nga nagsugod sa sulod sa usa ka lawak sa maong tulunghaan ilang gituohang gikan kini sa napanit nga kuryente nga nagmugna og kalayo nga maoy nakaingon sa kalit niining pag-ulbo.
Walay gikatahong naangol ug walay nakalas nga kinabuhi atol sa maong insidente.