Kini human pormal nga gidawat ni Mandaue City Legal Officer Atty. Rommel Hayrosa ang unom ka buwan nga suspension ni Mandaue City Mayor Thadeo Ouano gikan sa DILG 7.
Human sa pagdawat sa kamandoan gisunod usab dayon ang pagpahurar ni DILG 7 regional Director Atty. Rene Bordios kang Seno isip OIC mayor sa maong dakbayan.
Human sa paghurar ni Seno midalikyat kini sa opisina ni Ouano ug didto mihurar usab si Konsehal Jonas Cortes isip OIC Vice Mayor sa dakbayan.
Matud pa ni Seno nga dili niya hilabtan ang mga staff ni Ouano ug uban pang mga sakop sa kampo sa mga Ouano gumikan kay dili niya batasan ang pagpanggukod sa mga empleyado ug labaw sa tanan kalapasan kini sa Election Code.
Unang mando nga gihatag ni Seno mao ang pagpatigum sa tanang mga department heads aron iyang masayran ang ilang mga problema sa ilang tagsatagsa ka mga division.
Matud pa ni Seno bisan pa doble karon ang iyang konsentrasyon sa pagdumala sa dakbayan sa Mandaue ug ang pagpangampanya andam siya sa mga transaksiyon sa city hall.
Mipasalig hinuon si Seno nga kung ugaling makakuha og TRO si Ouano andam siya sa pagbiya.
Samtang pormal usab nga nanumpa isip OIC Vice Mayor si Atty. Eugene Espidido sa dakbayan sa Lapu-Lapu atubangan ni OIC Mayor Norma Patalinghug didto sa Lapu-Lapu City Hall kinsa una nang nanumpa tungod kay si Mayor Arturo Radaza misanong man dayon sa kamandoan.
Kahinumduman nga si Patalinghug gipahurar isip OIC Mayor sa maong dakbayan atubangan ni DILG 7 Regional Director Rene Bordios ug Asst. Director Pedro Noval subay sa mando ni DILG Secretary Ronaldo Puno.