Sesyon sa konseho giusab – delos Reyes

Giusab ang takna sa pagpahigayon sa regular session sa mga konsehal sa dakbayan sa Sugbu karong adlawa aron nga dili kini makabalda sa ilang pagpangampanya.

Inay nga ang sesyon naandan na nga ipahigayon gikan sa alas dos sa hapon hangtud na sa kilom-kilom ug usahay maabtan pa gani og gabii, ang sesyon sugdan sa pagpahigayon alas 10 sa buntag.

Si city secretary Ester delos Reyes mipasabot nga nahukman sa mga konsehal nga sayohon ang ilang sesyon aron nga may higayon pa sila sa pagpangandam sa ilang pagpangampanya inigka-gabii.

Nasayran nga matag gabii, ang mga kandidato nga sakop sa Bando Osmeña Pundok-Kauswagan magpahigayon og labing minus 12 ka pulong-pulong diha sa lainlaing barangay.

Matud ni Delos Reyes nga gipaabot nga ang maong sesyon ugmang adlawa, maabtan pa og lapas sa alas 12 sa udto tungod kay daghan ang nakahan-ay sa agenda nga tukion sa mga konsehal.

Samtang sa laing bahin, pipila na lang g’yod ka konsehal, apil na si Mayor Tomas Osmeña ang dili na kaayo makaadto sa ilang opisina tungod sa kakapoy sa pagpangampanya.