Duha ka mason sa SRP gidakop

Duha ka mga mason diha sa South Reclamation Properties ang gidakop sa sakop sa Criminal Investigation and Intelligence Branch human sila masakping nagpalusot og pinutol nga puthaw gikan sa maong lugar.

Ang duha giilang sila si Arnel Ragasajo, 35, taga San Jorge Village sa Guadalupe ug Darwin Collado, 27, taga barangay Bonbon ning dakbayan ug mason sa Department of Engineering and Public Works sa dakbayan diha sa SRP.

Ang nakadakop sa duha mao si PO1 Diosdado Parejas, Jr. kinsa nadestino sa ganghaan sa SRP ug nakabantay sa gikargang mga puthaw diha sa motorsiklo nga Cryton nga giluwanan sa duha.

Dihang gipahunong ug gihiling ang ilang gikarga, nasutang mga pinutol kining bara nga puthaw nga gipanag-iya sa dakbayan sa Sugbu nga gibana-banang 32 kilos ang gibug-aton ug nagkantidad og P2 mil.

Ang duha parehong gibalhog karon sa karsel sa kapolisan alang sa pagpasaka og kaso.