Ang biktima mao si Geneses Estella Tihap, 33 anyos, minyo nga taga sitio Mahayahay, Bankal sa nahisgutang dakbayan kinsa nalandig karon sa Mactan Doctors Hospital.
Si PO2 Candido Barinque nga gikahinabi sa Banat News miingon nga ang biktima kalit lang gipusil samtang padulong pauli gikan naghatod sa gikainom nga mga higala.
Ang pagpamusil sa biktima sa miaging gabii maoy ikatulo nga panghitabo diin ang duha niini ang napalgang patay sa hilit nga dapit sa barangay Pajac.
Si PO3 Frederick Islet sa homicide section miingon nga nagpadayon pa ang ilang imbestigasyon sa maong mga panghitabo nga pagpamatay alang sa pag-ila sa wala hiilhing mga mamumuno.