Trabahante 'palgang patay

Usa ka tawo nga natulog sa sulod sa compound sa kompaniya nga iyang gitrabahoan ang kalit lang nga giurom nga maoy nakaingon sa hinanali niining kamatayon.

Nadiskubrehan ang patay'ng lawas sa biktima sa sulod sa compound sa dalan Zuellig ug FF Cruz sa reclamation area sa dakbayan sa Mandaue.

Ang namatay mao si Ricardo Casipong, 36 anyos, minyo nga lumad nga taga Carcar ug stay-in sa nahisgotang buhatan.

Si PO2 Nirsas Baay ug mga Scene on Crime Office (SOCO) nga maoy nakatubag sa maong alarma miingon nga gikainom pa ni Ricky Canceran ang biktima.

Dugang pa niya nga pipila ka gutlo sa panag-inom og ilimnong makahubog nagdali sa pagbiya ang biktima ug misaka kini sa atop sa sakyanan ug natulog.

Matud pa ni PO2 Baay nga nadiskubrehan na lamang ang kamatayon sa biktima dihang gipukaw kay udto na apan wala pa gihapon mahigmata.