Ang retiradong huwes nga si Esperanza Garcia kinsa founder ug pangulo sa maong kooperatiba ug inahan ni Gobernador Gwendolyn Garcia ang mipadangat sa maong hinabang alang sa mga biktima.
Si Judge Garcia sa pakighinabi niini sa Banat News nagkanayon nga nagkinahanglang hatagan og pakabana ang mga kahimtang sa nasunogan kinsa nawagtangan sa ilang mga pinuy-anan ug kabtangan hinungdan nga ang kooperatiba mipadangat og hinabang
Si Mayor Thadeo Ouano kinsa nakahinabi sa Banat News mao ang midawat sa mga hinabang nga sinakong bugas.
Matud ni Ouano nga mapasalamaton siya sa mga nagpakabana sa mga nabiktima sa sunog.
Gawas sa mga sinakong bugas adunay mga mihatag usab og mga hinabang nga naglakip sa mga linatang pagkaon, banig, katre ug uban pa nga nag -unang gikinahanglan sa mga biktima.
Si Ouano midungag nga gipahimutang sa Social Development Center sa Tribunal, Centro ang maong mga hinabang ug hinay-hinay kini nga ipanghatag ngadto sa mga biktima.