Matud pa ni Rama nga ang maong pasidungog magsilbi kining hagit kanila sa konseho nga modoble pa sa ilang gimbuhaton sa pagduso og mga ordinansa og resolution nga maoy gi-expect sa katawhan dinhi sa dakbayan pagbutang kanila sa maong katungdanan.
Si Rama mipadayag nga dako usab niyang pasalamat ni Mayor Tomas Osmeña gumikan kay miabag usab kini sa konseho pinaagi sa pag-aprobar sa mga mahinungdanong ordinansa sa dakbayan.
Matud pa niini nga gumikan sa collective effort sa konseho og ang maayong tandem sa executive department og legislative department maoy nag-giya sa mga hurado sa PCL pagpili sa konseho sa dakbayan nga most outstanding council sa lukop nasud.
Iyang gipasabot nga dakog impact sa ilang inadlaw-adlaw'ng gibuhaton ang pagkadawat sa maong award kini tungod kay magsilbi man usab kining basihan sa ubang konseho dinhi sa nasud alang usab higpit na kompetisyon.
Samtang iyang gisalikway ang mga panglantaw nga mamahimo nga plus factor ang maong awards sa ila ng kandidatura sa umaabot nga eleksyon kini tungod kay matud pa ang katawhan sa dakbayan maoy makadesisyon niini.
Gidugang pa niini nga maghatag usab kinig dugang garbo sa dakbayan sa Sugbu hinungdan nga dako usab ang iyang pasalamat sa patron nga si Señor Sto. Niño hinuon ang kabahin sa 50 mil pesos nga ganti sa konseho iyang gibutyag nga tukion pa kini nila sa konseho kun unsa ang pagabuhaton niini.
Subay niini si Konsehal Edagardo Labella sa iyang bahin mipadayag nga ang maong awards maoy magsilbeng tamdanan sa katawhan sa dakbayan nga sila sa konseho nitrabaho gyud og maayo alang sa mga kaayuhan.