Tulisan nagtaptap purol sa nawong

Usa ka armadong lalaki nga nagtaptap og shorts pants sa iyang nawong kalit lang misaka sa usa ka panimalay ug gitulis ang mga nagpuyo alas 3 pasado ang takna sa kaadlawon sa sitio Lourdes, Jagobiao, Mandaue.

Ang mga biktima mao sila si Anaciolyn Tajay, 44 minyo ug anak niining si Ronald Tanjay, 21.

Nakuha gikan sa mga biktima ang duha nila ka mga mahalon nilang cellphone ug salapi nga nagkantidad og P9,500.

Si PO3 Napoleon Retuya sa Basak Police Station miingon nga gipugos sa pag-abli sa wala mailhing tulisan ang pultahan sa panimalay sa mga Tanjay.

Dugang pa niya nga gitionan og armas ang mga biktima. Human makuha sa tulisan ang mga butang daw yano lamang usab kini milakaw pahilayo sa maong dapit.