Ang naugdaw mao ang panimalay ni Alfredo ug Luz Bauncit diin gitumbok nga nagsugod ang kalayo lakip sa naugdaw mao ang balay nila ni Marichu Naparate, Ann Bauncit, Nora Gonzaga, Elesio Dacoylo, Arlene Domiquil ug Richard Borbajo.
Sa imbestigasyon ni SFO1 Roy Garcia sa Mandaue City Fire department nasayran nga didto magsugod ang kalayo sa kusina sa magtiayong Luz ug Alfredo Bauncit diin nagluto kini para paniudto sa dihang mikalit og ulbo ang kalayo.
Gumikan kay mugna sa mga kahoy ang mga kasikbit nga panimalay daling mikatap sa unom pa ka panimalay ang maong sunog.
Hinuon walay gikataho nga nasamdan atol sa maong sunog bugtong problema nga nasinati sa mga bombero ang kahuot sa dalan sa maong dapit.
Nadawat sa kabomberohan ang sunog mga 11:14 sa udto diin gipaubos kini sa 1st alarm ug nakontrolar sud lang sa usa ka minuto diin nagbilin og danyos nga 30 mil ka pesos.
Ang mga biktima maoy mga residente sa Sitio Grancina sa Barangay Opao nga gi-relocate sa maong dapit.