Apan giklaro ni Garcia atol sa press conference sa iyang pinuy-anan kagahapon sa buntag nga wala niya sirad-i ang posibilidad nga mobalik og lansar atbang kang Osmeña tungod kay layo pa kaayo ang deadline sa filing sa certificate of candidacy karung Marso 29.
Nitambong sa gipatawag nga press conference ni Garcia sila si kanhi Cebu City Sports Commissioner Jonathan "Atan" Guardo nga nipadayag na og interes nga mokandidato atbang kang kongresista Antonio Cuenco sa BOPK diha sa South District.
Atol sa maong press conference gipahibalo sab ni Garcia ang mga kandidato nila sa pagka konsehal sa south district nga gilangkoban nila ni kanhi konsehal Eugenio Gabuya, Pardo barangay captain Danny Lim, Atty. Salvador Solima, Atty. Joy Caballes, barangay captain Jose Navarro, Duljo Fatima barangay councilor Jenken Cabanit,kanhi SK Federation President Anthony Jones Luy, Ines Abellana, Dr. Billy Jaca, Andy Borres, Boy Quezon ug Honorato Abella.
Samtang sa north district gilangkoban nila ni kanhi konsehal Carmen Piramede, Erlinda Madarang, Lemar Alcover, kanhi konsehal Dandy Fernan, Lao Rogero, kapitan Joel Garganera,Lahug barangay captain Mary-ann delos Santos, Mon Fernandez, Atty. Frits Quiñanola, Atty. Danny Arquedo, kapitan Emmanuel Guanzon ug Sambag-I barangay captain Jery Guardo.
Samtang sila si Luy ug kanhi City attorney Ramero Madarang ug kanhi konsehal Franklin Seno maoy apil sa listahan sa oposisyon pagka mayor kon dili gyud mohinayon og lansar si Garcia.
Ang maong mga opisyal mao say gipilian nga mamahimong Bise mayor kon modawat si Garcia nga maoy kandidato pagka mayor.
Karong Biyernes ipagawas nila ni Garcia ug Guardo ang shortlist sa ilang mga kandidato.
Samtang sila si Seno ug ang anak ni Atty. Danny Dean mao say gipilian nga ilang iatbang kang kongresista Raul Del Mar sa North District nga sakop sa BOPK.
Atol sa press conference lain laing mga isyo ang gibuhi-an ni Garcia batok sa administrasyon ni Osmeña nga gihulagway niya nga garbuso, madinumtanon og madaugdaugon.