PAIDSOTG giimbestigar

Gipailawom na sa imbestigasyon ang ubang sakop sa Provincial Anti Illegal Drugs Special Operation Task Group sa Cebu Provincial Police Office human sa kontrobersyal nga operasyon sa usa ka mamaligyaay og ginadiling drugas diha sa dakbayan sa Lapu-Lapu sa miaging semana.

Si Sr. Supt. Carmelo Valmoria, hepe sa CPPO nga nahinabi sa mga tigbalita kagahapon mitug-an nga dunay kausaban sa mga personnel sa PAIDSOTG.

Hinuon nipasabot si Valmoria nga dili tanang sakop sa PAIDSOTG ang gipailawom sa imbestigasyon ug ibalhin og laing unit ang uban magpabilin apan iya kining gi-evaluate og tagsa-tagsa ang ilang performance.

"I am evaluating the personnel of PAIDSOTG, I will evaluate base sa performance nila and they have directly assign the office of the Provincial Directors Office" matud ni Valmoria sa mga tigbalita.

Apan matud niya usa lang kini ka alegasyon ang tanan hinungdan nga nihimo siyag lakang aron masumpo kining maong binuhatan sa maong mga polis.

Mibahad si Valmoria nga dili mo-tolerate sa pipila ka polis nga nagpabadlong ubos sa iyang pagdumala isip Provincial director sa CPPO.

Kahinumduman niadtong Pebrero 16, ang grupo sa PAIDSOTG mihimo og operasyon sa Sitio Humay-humay, Gun-ob Lapu-Lapu City sa panimalay sa gidudahang drug pusher nga miresulta sa pagkasikop ni Elmer Cosep.

Apan si Lapu-Lapu Office Chief, Louie Oppus human masayod sa maong operasyon nihulagway nga usa ka "Hulidap" ang gihimo sa maong grupo human masayod nga nangayog P20,000 ang mga polis ngadto sa suspek bugti sa temporaryo niining kagawasan.

Nasayran usab nga ang mga sakop ni Oppus mituyo og adto sa nahisgutang lugar aron pagtino sa maong report apan ilang nasuta nga nag-andam nag kuwarta ang mga kabanay ni Cosep aron mapagamay ang kasong isang-at sa mga sakop sa PAIDSOTG ngadto sa piskaliya.

Si Insp. Rolando Ong, hepe sa PAIDSOTG nga mihimo og linain nga imbestigasyon usa ka drug pushing nga kaso ang atubangon ni Cosep apan kun pasakaan kini og pinakagamay nga mahimong makapiyansa ang dinakpan.

Ang mga polis nga gipailawom sa imbestigasyon kasamtangang idestino sa Provincial Headquarters sa CPPO

Gipahibaw ni Valmoria nga duna siyay ipares nga laing opisyal pares kang Insp. Rolando Ong sa PAIDSOTG.