P100M ni Serge O. i-release

Giaprobahan ni Presidente Gloria Arroyo ang hangyo ni Mayor Tomas Osmeña nga i-release niini ang P100 milyones nga gikan sa pork barrel fund ni Senador Sergio Osmeña III nga igsuon sa mayor apan kaalyado sa pundok oposisyon.

Si Osmeña nakahigayon sa paghangyo sa presidente alang ning maong katuyoan atol sa iyang pagbisita dinhi sa Sugbu niadtong Sabado diha sa New Cebu Colesium atol sa gilusad nga proclamation rally sa mga kandidato pagka- senador sa Team Unity.

Atol sa press conference kagahapon sa udto gitug-an sa mayor nga iyang gipasabot ang presidente nga alang ra sa kaayuhan sa mga Sugbuanon ang katuyoan sa maong gipangayo nga gahin nga gamiton sa pagpatukod og dugang mga tunghaan sa mga tinun-an dinhi sa dakbayan.