Patay'ng tawo napalgan

Usa ka patay'ng lawas ang napalgan nga gituhoang nalumos diha sa baybayon sa Poblacion lungsod sa Balamban sa miaging adlaw.

Ang biktima giila nga si Esra Badayos, 30 anyos, ulitawo ug nagpuyo sa barangay Sangi Calajoan lungsod sa Minglanilla.

Matud pa sa kapolisan sa Balamban usa ka voter's ID ug personal nga gamit ang nakit-an sa napalgang lawas lakip na bag nga may sulod nga sapatos, tsinelas, blue short, tu-alya ug botelya sa mineral water.

Si Dr. Roderick Asagra ang medico legal officer nga mitan-aw sa patay'ng lawas, walay nakitang foul play sa iyang kamatayon tungod kay walay nakit-ang samad, bun-og o pinusilan sa lawas niini.

Ang lawas sa biktima gikuha na sa ginikanan ug kabanay human nasuta ang nahitabo niini.