Sakop sa banda gipusil

Patay ang usa ka batan-ong sakop sa banda dihang kalit lang gipusil sa ulo sa miaging gabii sa sitio Manlayag, Patag, Danao.

Si SP01 Jose Relampagos miila sa batan-on nga mao si Luther Ermac Sugarol, 19, ulitawo ug lumad nga lumolupyo sa Nangka, Consolacion.

Matud pa ni SP01 Relampagos nga naglingkod lang ang biktima sanglit nagpaabot kini sa iyang turno alang sa pagtugtog dihang ang wala mailhing lalaki mitumaw ug kalit lang namusil.

Ang biktima naigo sa luyong bahin sa ulo ug ang bala milusot sa mata dali untang gidala sa Danao District Hospital apan gibalhin sa Vicente Sotto Memorial Medical Center sa dakbayan sa Sugbo.

Dali untang giatiman ang biktima sa mga doktor sa maong tambalanan apan mideklarar kining patay pipila ka gutlo ang nakalabay.

Si SP01 Relampagos miingon nga nagpadayon karon ang gihimo nilang pakisusi alang sa pag-ila sa wala mailhing mamumuno nga ilang gituohang gikasuyaan lang ang biktima nga maoy hinungdan nga gipusil kini.