Nakolektang buhis sa Talisay misaka sa 2006

Nakolektang buhis sa dakbayan sa Talisay misaka sa tibook tuig 2006 kompara sa tuig 2005.

Apan sa tuig 2006 ubos ang nakolektang Real Property Tax kompara sa tuig 2005.

Sa tuig 2005 ang siyudad nakakolekta og P236,171,697.39 milyones nga buhis lakip na niini ang Internal Revenue Allotment (IRA) ubos kini kompara sa nakolekta sa tuig 2006 nga P251,611,975.49 milyones diin lakip usab niini ang IRA.

Sa Real Property Tax Collection (RPTC) sa tuig 2005, ang Talisay nakakolekta og P30,570,395.24 milyones.

Ang nahisgutang RPTC gikuhaan sa Barangay Fund (BF) nga P4,586,174.22 milyones ug Special Education Fund (SEF) nga P15,283,154..55 milyones.

Sa milabay'ng tuig ang siyudad nakakolekta lang og P25,958,348.30 diin gikuhaan kini og P3,893,882.52 nga BF ug SEF nga P12,978,739.73.

Si Emma Macuto Talisay City Treasurer mibutyag kagahapon sa Banat News nga sa tuig 2006 aduna silay estimated o bana-banang P69,735,123.44 milyones nga target collection.

Si City Budget Officer Edgar Mabunay mibutyag nga sa tuig 2005 P93,855,000.00 ang ilang bana-bana nga target collection.

Ang maong mga target collection walay labot niini ang IRA.